NAMEYÊ MI MULTECÎ YO

Ti mi rê welat ney, zindan bîya
Ez to rê hemwelatî nêbîya
Ameya surgunkerdiş, ez to de surgun a
Ti keyeyê (çêyê) mi nîya, ez to de cemedîyena.

Nameyê mi multecî na pa
Yew hîsê xerîbî girewt ruhê mi
Ez winî (henî) ginaya zereyê adirî 
Dumanê ci ruhê mi, kila ci zerrîya mi veşnena.

Zimistan o puk û xedar o yan bedenê mi ci rê xam o?
Hawayê xo mi rê xerîb o, ez hewayê ci rê xerîb a
Me mi ser de xurbet mi xo nêdaro to
Heskerdeyê mi to de mendî ey welatê mi

Zerrîye hesrete gêrena, hesreta welatî
Çimî xo xo de şonê surgunî de
Welatî rêber meke ey zerrîye
Surgun de qeydûbendî canî dejnenê.

Xatirayê mi to de mendî ey welatê mi
A Eyş a venga barîqatî venga xoverdayîşî dayêne
O Huseyîno ke tewr vernîye de bî û xoverdayîş 
xoverdayîş vatêne
Û Guneş a ke grevî pînitêne, ez hesret a înan pêrune rê.

Hêvîyê mi tirawitî (tirtî) , vateyê mi mi dest de mend.
Xeyalê mi şima ganî vindê, girs bikerê hêvîyanê xo
Çîçegî têmîyanê wele benê, tebîet beno rind 
Tenî benê yew, û meşteyanê azadan anê.