Ali Baba Karakaş – 14 Şubat 2026
Ti ya wisarê mi sewdaya xeyalkanê mi
Ez şilîya to ya wisarî bibî.
Bivarî porê to yê ziwayî ser o
Ti henî hît, şil û şepel bikewe virana mi
To bi zerrîya xo ya ke eşqê to ra veşena virane bikerî
A leşa xo ya tenik û narine raverde sêneyê mi ra
Bi eşqî demê xo bigîrî ez boya tenê to ra
Mi daxilê estareyanê zereyê çimanê xo bike
Têmîyanê asmênê kepû keweyî bî ez
Şewe zerrîya mina ke cemedîyena bigê virane xo
Ez şewe estareyan zê orxanî biancî to ser
Ê eraqê to yê şirîgermî ra hît bibî ez
Sewda biramê zerrîya mi de bi heskerdene
Raverde vayî ver wa vilabîyaye bimano porê to
Mi bige verara xo ma yewbînî de haşt bibîme
Tîjê bido ro haştbîyayîşanê ma ser o
Cinîya ke tim xeyalanê mi der a
Ez sewadaya ma rê kulmê wele bî
Ti toxim be birişîye virana mi ro
Ez bi eşqî bi eraqê to kewe bî
Ê çimê to yê estareyinî ke bi eşqî nîyadanê
Ez to de raywanê eşqî ta ey cinîya mi
Ake bişkojanê xo raverde boya ê tenê xo
Sey yew mayîne haşt bo tenê tene mi reyde