RINDEKA ŞIWANEYAN

Rojî mi ver a bêveng ê
Şewî mi ra heredîyayî
Estareyî mi rê vîndîbîyayî
Şodir tîje mi rê nêvejîyena

Mi hêvî taloqê yewna biharî kerde
Payîz de pela zerdbîyayîya tewr peyêne
Hema ke ez nêginaya erd ro bê
Bê cinîya tewr rindeke ya zerrîye

Cinîya min a ti rindeka şiwaneyan
Boye anûxine, nîyadeyana xo melule
Berze vauî ver leçeqa xo ya rengine
Porê xo yê reng kesataneyî raverde

Zerrîya xo zerrîya mi de ca bike wa dem bigîro
To bêrîye kerda wa demê xo bigîro
Hema ke ez hesreta to ver qehir û weran nêbîya bê
Hema ke estareyî terk nêkerdê çimanê mi bê.

Şodir bibe tija mi û bê
Huyayena ke mi kerdo xo vîr ra bê ti bimusne mi
Ez bi virara pirrê estareyan bêrî
Alîbaba vano ke bi kilam fekê xo bê.