Ali Baba Karakaş – 11 Şubat 2026
Dest de sînîye mumî fîştê ta
Sûrî ser ra yê reqis kena
Destmala kewîye anta verê çimanê xo
Mumê tafîştî çilkînê zerrîya mi ro
Ti yew qedehe bi heskerden pirr ke
Ez qedeha to de eşq bî
Ti çimanê xo yê mexruran çimanê mi rê yake
Ez tene to ra germîya tîje bicerî
Tenê to û yê mi pîya vejîme estareyan
Wa bo, wa aşme rindîya to rê bihesudîyo
Ge eş bibîme biherikîme eşqî ro
Ge yakamoz bibîme xo biverdîme deryayî ro
Bibîme a kewîya ke pêl bi pêle vila bena şefaqî de
Dilopa peyêna şerabî viloşîyena lewan ra
Çîyo ke ez şimena şehweto ke çimanê to ra aseno
Vejîme kulubeya sewda ke pîya bibîme eşqê adirinî
Ez çiçikanê to ser o ronî sereyê xo
Ti porê mi bi eşqî mîşt de
Ez boya tenê to de bi eşqî sewda bibî
Eşqo ke zê awe zelale zê tîje germ o bibîme cîhan de