Ali Baba Karakaş – 14 Şubat 2026
Ancîna ti ginaya sila de aqilê mi ro
Yew hîso xerîb nîşeno zerrîya mi ro
Şerabo ke sifeyê tamteşkîlî de şimitêna ma
Destanê xo panayîşê porê to ra
Bi çimanê xo yê estareyinan qayîtkerdena to çimanê mi ra
Tamê kilaman de qîrrayîşê to zerrîya mi ra
Çekuyê eşqî ke vejîyêne lewanê to ra
Ez ê qayîkerdişanê to yê şermok û malûlan de menda
Ez to de menda ê sifreyê dewlemendî dima
Gama ke to şerab qilotnayêne ro cinîya mi
Ez bibî o şerabo ke rişîyeno lewanê to ra
Birişîyê xo û mimanê wertê çiçikanê to ra.
Ez to de çimanê to de bimanî
Ti aqilê mi de zerrîya mi qîrrayîş de
Zerrîya mi de serewedaritene pêl bi pêl a
Bê hîna ke zerrîye de vewre nêvaraya
Huyayîşê to mi de mendî, hîna ke nêçilmisîyê bê
Estareyê çimanê mi pêro sêwî mendî
Çi ke rind mendo mehcûb mend çinbîyena to de
Alîbaba ya ez zorê zerrîya mi şî vera to de.