WEXT VINDET

Mewsim zimistan o!
Vewre girewta her ca û kobeyî.
Koyan ra vengê zerencan êno
Zorê Dara Çinare ya sedserrine şî vera firtineyî

Hesretî firtine yê zerrîya mi de
Xeyalê mi binê çınara demdîyaye de
Zîpikê tuj ê sey fekê yew kardî
Ginayê ruhê mi ro persê adirinî

Zerrîya mi de kaşkayî lej kenê
Vewre mevarne sewdaya zerrîya mi rê
Narîn a zerrîya mi tede meveje firtine
Rijîyena bena welê bi wele zerrîya mina qefelîyaye

Boya kestaneyanê ke soba ser o yê vila bena
Ocaxe de çay dem gêno kila gurre de
To rişnayê hesretî zerrîya mi rê
Adiro gurr veşeno zerrîye de, rişîyenê hesirê mi

Wext vindet çinbîyayîşê to de
Rîpelê nêvurîyayî teqwîman de
Û ez çinbîyayîşê to de bê welat menda
Zorê mi şî vera to de ey zerrîye