Ali Baba Karakaş – 14 Şubat 2026
Zerrîya mi serwedaritene de…
çimê mi tarîtîye de wedardayî yê.
Serewedaritene bedenê mi ra fetelîyeno;
Her hucreya mi zereyê şewatî de
Zerrîya min de adir bî gurr,
bedenê mi bi dejan bî pirr.
Mi nêhûmaritî şîyayîşê to;
Qewetê mi nêşî bihûmarî to ra cîya mendîşanê xo.
Nêzana, saeta çendine ya îxanetî ya;
saetî bîy rojî, rojî bîy aşmî
Ez wetê yew nêzanîye der a—
Bêçare, omid şîkîyaye, çila şîye xo ra.
Ez ginaya yew rayîrî ke roştî tede çina;
Tarîye seranser nîşta serê leşa mi.
Yew roştî gêrêna ez ke mi bivejo roştîye;
Wisarê mi kerd zimistan, yeman o halê zerrîye
Cîyatîya ke sere şodirî de da çêberê mi ro,
agêrê—tîja mi meke tarî.
Mi mevisne na gila sewda ra;
meçilmisne zê vila ke wele ra visnîyaya.
Ancîna kî yew çîk est o zerrîya mi de:
wa peynîya şewe bêro, wa bireso şodir.
Serededaritena zerrîya mi, zê wuslatî nusîyayo;
Gama ke mi qalê nameyê to kerd tarî peyser agêro