ÇEND TEŞRÎNÊ VERÊNÎ VÎYARTÎ

Ti Teşrîna Verêne hazir bena ke şore
Ti se ke bireme şona
Hela nîyade peyê xo ra!
Nê eserê to yê, pê îftîxar bike.

To çend zerrî bi huznî pirr kerdî
Asmên bermeno bê ke vindero
Hewran ra wedarde yê estareyî
Erd û wele kerdo binê regê zerdî

Darê ke pelê xo rişnayê rut mendî
Zerrîya mina bê sewda rute
Bê deyax û heskerdene mende zerrîya mi
Xurbete serd a û bê sewda menda ez.

Rayîrê çamurin ê merdim nêeşkîno ray şoro
Ewro des û pancê teşrina verên a!
To zerrîya mi de peyda kerde deja cîyayîye
Hesirî nêmendî çiman de hende ke bermaya

Çend teşrînê verênî vîyartî
To emser kî eşq nêramit zerrî mi de
To reyna zimistanî de verdaye na zerrîye
Vaje mi ra derdê to bi mi çi yo?

Çûçikî karwan bi karwan derbaz benê û şonê
Ma zerrîya mi rê cayê koçkerdişî menda?
Xatirayî ênê çimanê mi ver, dej dana xerîbîye
Bê welat mendena mi manena dara rute

Vayê teşrîna verêne dej da ro ruhê mi
Zerrîya xurbete de bêmecal memane
Koyan ra kilaman vaje ey waştîyê
Mi bi çûçikanê koçeran zerrîya xo ruşnaye to rê.