MEŞO TÎJE

Huyayene!
Domanê zereyê mi huyeno qet?
Ez huyayene nêmusaya ke
Înan tim ez daya bermayene û tena verdaya

Hêvî û domanîya mi mi ra girewtî
Ez ca nêbîya ez welatê xo de
Dîyarê ke mi nêzanayêne mi xo rê welat nêdî
Kuçeyî zalim û çetinî

Çi îxanetî dîyî na zerrîye
Zerê û teberê xo yew kes nêdî
Destê mi de qeleme, ziwanê ni qisê vano?
Eke ez vajî meşo, ti bena sewdaya mi?

Roje ma rê meke tarî ey tîje…
Wa şewe nêro, xatirayî ênê mi vîrî
Eke estareyî terk bikerê asmênî
A game zimistan, a game puk nîşeno zerrîya mi ro

Tipûtarî nîşeno nê bajarî ser
Û tersê mi benê zêde!
Bêvengîya gena pêro kuçeyan
Kuçeyê tarî benê zindan

Huzn gineno mi ser, bermenê çimê minê zerrîye
Birîndar a domanîya mi gelo bena weşe?
Derdan sela piştîya mi ro ke
Şo bimuse sewda ra pey se huyeno bimuse