TRÊNA KEWÎYE

Wurzena trêna kewîye ver bi huznan
Fîtike kuwena zerrîyan rê dejê cîyayî ya
Nê bajarî de hesretî gewr ê!
Ek şabîyayîşî mendê, ma mi rê huzn?

Zerrîye heskerdoxa xo pînena bi hesrete
Gar xayê mehşerî yo ke hesirî rişîyenê tede
Dest şanîyenê peyê heskerdoxan ra çime huzninî
Kile ginaya hawayê nê bajarî rê

Ma zerrîya mi rê!
Hesreta ke ginaya zerrîya mi rê qedîyena?
Bêsebir ê çokê mine bêdermanî
Çend-çend voltayî eştî pirodayena zerrîya mi

Sênêyê mi derbe girewta
Suzî keno persanê ruhê mi ver
Dê bê wa êndî biqedîyo na hesrete
Çend-çend cîyayîyê çimhesirinî verdayî zerrîyan rê

Şewê mine bêhewnî mendî gar de
Mi çend-çend şîîrî nuştî to rê ey yarê
Mi vay dayî têmîyan bîy cemre de
Eke biginê wele ro zîl bidê sewdayî

Ge sereyê genimî ra varike
Gê gilbeyê tirîyan ra
Şerab beno hawayê honikê mahzeni de
Sewa emir gêna, bena eşq zerrîyan de

Resamê nê bajarî eşkenê xezê bikerê?
Portreyê yara mi tuwale ra
Kamcîn reng eftareno ke bibo renge eşqî?
Bê to mewsimî bê mana yê waştîyê

Çimê mi rayîrê trêne ra mende
Mi akerdo sêneyê xo ha sereyê xo rone
Ez canê to de ereqê xo to yê şîrgerm bî birişîyî
Seraya mi germ a bi germîya sewa, wa biqedîyo hesret

t