Ali Baba Karakaş – 03 Ocak 2026
Ti vana wisar ameyo
Awa çeman gurr şona, xuş-xuşena
Şilîye varena, wa wele (herre) şa bo
Wisar o ke nîyameyo zerrîya mi
Ez se bikerî şilîye, çemanê xuş-xuşîyayan
Wele ra zîl danê hezar çîçegî
Ma mendo ke zerrîya mi de zîl bido
Ti şîya nêşîya mi rê zimistan o, puk û xezeb o.
Eke bêwext piro do sewda berê (çêverê) zerrîya mi
Vayê roşanî êno tey mi rê
Qewqaya ke mi xo tede dîya, ci rê sebeb ti ya
Ziwanê mi de nameyê to, hesîrî ginenê zerrîya mi rê
Mi zaf ti gêraya (fetelîya) zeman bêhesab verd ra
Mi kî sey her kesî waşt ke hes bikerî, wa hes bikero mi ra
Kilama ke fekê to der a, aye de menda ez, hesreta mi ti ya
Tek mi ti waşt qederî ra, mi va bi mirdîya zerrîye hes
bikerî to ra
O wext pêserê pêro mewsîmî wisar beno
O ke vindeto ez a, ti ya yan zeman o?
Zeman vîyareno, şewe dîyena destê şefeqî?
Tîje dana serê sewdaya zerrîye ro.