Nêm ê domanê nê bajarî
Estareyî vîndîbîyaye yê nê bajarî de
Medê domanan ro qehpeyênê
Welatê xo binê îşxalî de!
Ziwanê ey çin o hesibna, da kelemce ro
Qedexe kerd ziwanê înan qehpeyan
Qeşunî eştî renge mi ro, kuçeyanê tarîyan de
Ez surginê welatê îşxalkerdeyî ya.
Înan çi zaf da ruhê minê domanîye ro
Xeyalê mi nêmcetî mendî, ez sêwî menda
Ez domanê sifreyê ronîyayî nîya
Dejê mi, werdo ke qazan de pêşeno nîyo
Esmer a çimsîya ya, surgin a ez
Bê welat serdo mi rê, cemedîyena!
Kuçeyî keyeyê min ê, barîqet bedene mino rut o
Zerrîya mi zereyê kila hare de, la îradeyê mi polad o.
Pirodênê qehpeyêne canê mi poladên o
Rawurzê payan ser domanê tîje!
Qîrayîşanê xo xo gur û yê ma îradeyo polad o
Bedenê mi doman o, zerrîya mi dinya ya.
Rengî yewîya ma ya, vateyê ma îqtîdar o
Yew bê domanêno, welatê şima binê îşxalî de yo
Sewdaya to qedexe kerde qehpeyan
Eke ti ci ra hes bikere, welatê înan beno lete.
Ti koyî yî/ya, erxat, xizmetkar û hemal
Domanê qedexekerdeyî yê welatê qedexekerde
Ti pê vengê pîyano ney, pê vengê mazgalan bîyî/a pîl
Mederê domanan ro, leşa înan qilêrin mekerê.
Ge parçeyê şerapnelan ge guleyî (qerşunî) bedenî de
Ziwanê şima yo qedexekerde sifreyanê înan de meze
Ge warwaya kuçeyî ya ge parseka kuçeyî
Kêneka çimkewe, çimkesk yan çimsîyaye destmale roşena
kuçeyan de
Tena yew huyayîşê to ser o tîje vejîna welatê mi de
Heta ke ti bihuye domano/e kewe yo asmên
Welat, beno welatê estareyan û ziwanê to beno azad
Bihuye ke şerwazê (cengwazê) bêrehmî, talankarê bêwicdanî
bitersê.