Ali Baba Karakaş – 14 Şubat 2026
Ez to ra ney, xo ra şîya
Ti xo reyde berda koyan
Surginî ra şîya şurginî
Lejê mi de sewdaya min a, zerrîya mi de eşq
Ti cinîya bereya estareyine ya lejê mi
Ti ge-ge bîya estare rêz bîya çimanê mi de
Fenera şewanê tarîyan ti bîya
Ge-ge zî çareyê mi ro maçêko bê wext bîya
Ti seba mi nusîyaya rîpelanê kewîyan ra
Ziwanê xozanî de kilama sewda
Ziwanê şaîrî de azadîye rê sewdayin ê misrayî
Ez her kuçeyê nê bajarî de yew lej bîya
Ma bîy heskerdiş zê gudvewre sewda kerde girde
Ma bîy estare herikîyayîme zerrîye bi zerrîye
Koyan de filharizî deştan de azadîye qîrrayîme
Mi ti nuşt dêsan ra sewdaya xo
Tije ra sûrex o, estareyê sewda
Pêro rengê dinya wa azad bê
Mi cîyayîye nêkerde to, xo û heme rengan rê
Cinîya mi ti ya klavuzê lejê mi
Ez evîndar a azadîye û eşqî rê
Erdo paynêbîyayî sewdaya min a azad a
Emşo bedirê xotêrapîşe asmêno kewe
Bifirrê çûçikênê bê seydwanan bifirrê azadîye