Ez bi dejanê xo pîya xo de vîndî bîya
To rê tek yew persê mi est o dinya
Ma to tena ez dîya, hende bar piştîya mi de
Tirawit û berd her çîyo rind o ke est bî mi dest de
Her kes ame wel û tozê xo mi ser o şana
Ge domanîya mi ge ciwanîya mi tirawite
Mi welat nêzana, surgun bîya ca bi ca
Mi ne ziwanê dayîke zana ne virana dayîke
Mi, xo kotî vindî kerd, gêrena ha xo gêrena
Mi derbe werda, zerrîya mi bîya lete bi lete
Hende ke bermaya çalê çimanê mi bîyê ziwa
Çimanê mi de hal nêmendo, bîyê silkûsûre
Mi heskerdişê to eşto verê tîje
Hela vaje ey tîje raşt o heskerdena aye?
Ez bîya têşan, mi xo resna bajar ke awe bîya ziwa
Şîya virara aye, cemed girêdayo verara aye
Payîz dima ya hêvîya zereyê zerrîye
Şefeq de ginena rayîr ez, tîje vejîyena?
Bê, hema ke şan nênişto dinya ser bê
Eke tarî bido ro ser, huzn û keder gineno ro zerrîye.