MEYXANEYÊ WISARΠ

Mi yew jû mendîle darde kerde penceraya to ya akerdeye 
ra
Mîlçike nişta penceraya to ra
Mîlçike tersaya nêçîrvanî ra, xo eşta bextê to
Bigê zere aye hema ke nêçîre nêbîya, cade penceraya xo 

rîyê nêçîrvanî rê
Vejîye pencera û dest bihejne estareyan rê
Sênêyê xo ra hîrê bişkojan ake waştîya mi
Boya tenê xo biverde estareyan ke ez boye bikerî.

Porê to vilabeyayî bimano, tîrêjê deryayî erzeno ser
Maxzenî de galon bi galon şerab
Ez emşo pê şerabê to serxoş bibî
Ti vaje şono xo ra şewatê zereyê mi?

Şewat vejîyo zerrîya mi de
Bê ke wa şo ro xo ra şewatê zerrîya mi
Sey mi kewta yew labîrentî ti 
Vejîye rayîr şo, rêberê to vengê zerrîya to bo

Rayîrê mi vejîyeno meyxaneyê Payîzî.
Ez to pawena (pînena) kobeyêdo taldeyî de
Kes nêvîno çi do waro, çi şikito19
Meyxanedar panjuranê zerdan kîp cade

Bişayne lambayan, hende ke mume rone masaya ser
Dejê zerrîye wa kes nêvîno
Murekebê qeleme qîm keno ke binuso
Tena mi binuse deftera xo ya qabsîyaye de
Û tîje ke şefeq de vejîyaye, deftere bigê.