Ali Baba Karakaş – 14 Şubat 2026
Ruhê min o ke to de bîyo hepsî serbest raverde
Dejê zerrîya mi qerşuna des û di çewres û pan kalîbreyin a
Çinbîyena to kendiro rûnin o qirrîka mi ra
Girê bîyo nameyê to lewanê mi de
Tam mi xo vîr ra kerda vatêne kewta aqilê mi reyna
Qedîyena ti vaje na hesreta mi to rê
Mi newela xerîban xo rê mesken girewte
Bî xan û xaneyê mi dara hêjîran
Çend û çend rey tîje awan şîye bê to nêzana
Ez bibîyêne ziwanê xozanî wa biqîrrayêne zerrîya mi
Bê aqort û bê perda biqîrrayêne zerrîya mi
Wa biçîngo newale ro, teselîye bo hesirî
Mi hesretanê xo tamê kilamandê bivatêne
Tîrra kemane ra bigêrayêne dejê mi
Xozan wexto ke cenenî dest têlê bamî pamene
Çimê mi zê şilîyanê payîzan ê.
Şaîro, mi û hesreta zerrîya mi
Binuse û neqişê rêzanê xo bike
Senî ke kanaviçe neqiş kenê neqiş bike sewdaya mi
Alîbaba ya ez, xo rê xo vîr ra bikerî vizerî bimanî ewro de