Ali Baba Karakaş – 03 Ocak 2026
Ti bi xêr ameya derguşa mi
Ti hertim bihuye ke derguşa mi
Wa rayîrê to heskerdiş bo, meşteyê to roştî bê.
Meşteyê to roştî bê derguşa mina estareye
Seke tîje vejîyena ti henî bîya
Û ameya dinyaya mi Aleîda Lavîne
Ti bîya şilîya wisarî
zerrîya mina çoraxe rê
Ti bi mirdîya xo bihuye derguşa mi
Bihuye ke wa birijîyo seltanatê kovîyan
Wa pêro domanî bieşkê bihuyê
Ti hertim bihuye ke derguşa mi
Şewe pirrê estayereyanê beriqîyayan bo
Dormeyê to rê wisar bo
Xeyalê to bixuşîyê
Çemê to ser de şorê
Ti hertim bihuye derguşa mi
Estayereyî bivejîyê hêvîyanê to ser o
Wa nêmcet nêmanê xeyalê to
Ti bi mirdîya xo bihuye ke derguşa mi
Wa wedarîyê sînorî, wedarîyê sinifî
Way û birayî bê heme perperikî
Ti bi mirdîya xo bihuye derguşa mi
Meşteyê to azad, hêvîyê to xurt bê