Ali Baba Karakaş – 11 Şubat 2026
Tîja nê bajarî multecî ya
Estareyî derya de awe ro şîyê
Şîn girêdayo deryayî rengê xo sûrêx o
Bedenê domanan quman de wedarîyayê
Mi ra çend kesî wedarîyayî Okyanûs ti pê nêbîya mird?
Pêlanê to yê serdin û xedaran de şîyî
Şarlatanê cengan kewtê derdê talanan
Zalimê qehpeyî lêsê kutikan dima yê
Nêmê de mendî xeyalî ey lajo
Ferê çiman tirawitî înan
Omidî mendî binê xirban de
Bombeyî parçe-perçe kerdî hewalî
Asmênî kewîyîya xo kerda vîndî
Rengo gewr girewto asmênî
Çimê ke huyayêne nika pirrê hesretan ê.
Tarî her cayê nê bajarî zebt kerdo
Çiman de ters, warway ê dergûşî
Xo kerdo derg henî quman ser o
Porê aye yo sey komirî sîya kewto quman
Hetê ra xo çerixnenê hetê ra hesiran rişnenê pelîkanî
Qaqlîbazan de yew telaş ke çi telaş
Wurze û biqîre hîna ke nêmerda merdimîye
Wicdanî bîyê lalî, kesê ke heşnenê kerr ê
Parselê dima yo şarlatano cengano qehpe