WELATÊ ESTAREYAN

Ez qedexekerde ya û bi qedexekerde hes kerd to ra
Welatê xeyalanê qedexekerdeyan de
Bi zerrîya domanê zerrîya xo hes kerd to ra
Bê hetê mine çepî de ronîşe û bimane heta bi heta

Estareya tewr beriqîyayîye ya xeyalanê mine kewîyan
Tîja sewdaya mi, vengê hetê minê çepî
Mi sewdaya xo xeyalane xo de kerde pîle
Hesiranê mi ver şilîye hiş bîye.

Zincîrî dîyayî şîîran ro!
Ma veşnîyayî, dardê bîme yew demê şefeqî de
Sepîya hîrê lingine ronîyaye
Celado telaşın hesabê hîrê qurişan de

Ma tîje huyayîşanê xo de daye we
Mi dûrîyan de zaf dûrîyan de hes kerd.
Ez bê welatî bîya welatê estareyan
Mi welat girewt xo rê koyî, sewdaya mi azad a

Mi bê ke biçilmisîyo hes kerd cîfê to ra
Simbile de ya boya to
Rêzî bîyê koyan de simbilî
Hesrete to ver pê simbile teselî bena.