ZERRÎYA MI CAYÊ ŞEWATÎ

Emrê xo de ez çiqas zaf menda şewan de
Roj nêvejîya ez çiqas zaf şefeqî ser menda
Estareyî ney, tarîyî niştî şewan ro
Mi sewdaya zerrîya xo çiqas zaf gêraya

Şefeq pawit mi nêeşt zerrîya mi ro
Para çimanê mi rê estareyî ney hesirî kewtî
Mi wisarî pawitêne, zimistan ame
Sero xezeb da zerîya mi ro ez cemedîyena

Keder meke ey zerrîya mi
Bermayene ney huyayene wazena ez
Zerrîya mi cayê şewatî ya, izdirab ancena ez
Ziwanê mi lal, zerrîye xo ver ro dana

Zerrîya mi timûtim to gêraya
Emrê xo rê zê emir ilawe kerde mi to ey cuye
Hende ke to gêraya ke qefelîyayay to dima sewda
Eke êna bê êdî hema ke emrê mi nêqedîya

Boya to nişte ro bedene mi, mi kerde rayber xo rê
Ez kewta rayîran, kewta dîyaranê nenasan
Mi tena to rayber zana, ti ya ke zerrîya mi de tek a
Ver bi vêngê zerrîye bê ke vinderî rayîr şîya.